Куттас бэйэтин күлүгүттэн куттанар (өс хоһоон) Оҕо кыра эрдэҕиттэн бэйэтигэр хорсун санааны иитэргэ кыһаныахтаах. Силистэн иҥнэммин Сиргэ охтобун Алҕаска илиибин Дьукку түһэбин Припев: Уол оҕо куттаммат Уол оҕо хорсун Ытыыра сатаммат Тулуурдаах хоһуун Ытырыык ыт суолбар Бүөлүү турунар Мин таптыыр бөтүүкпэр Түһүөн баҕарар Припев Куула тыа хонноҕор Хара суор көтөр Хаппыт мас иннигэр Харааран турар Припев Хо һуун
Аҕа дойду Геройа диэн кимий ? Арассыыйа Геройа Родимир Максимов – Бур ҕаат Герой диэн үтүө санаалаах, дойдутугар бэриниилээх, хорсун киһини ааттыыбыт. Кини бэйэтин дьайыытын ис сүрэҕиттэн оҥорор. Төрөөбүт дойдутун, норуотун туһугар геройдыы быһыыны оҥорбут киһи «Арассыыйа Геройа» диэн үрдүк ааты сүгэр.
1941-1945 сс. Аҕа дойду Улуу сэриитин кэмигэр Саха сириттэн 24 киһи Сэбиэскэй Сойуус Геройын аатын ылбыта. Кинилэртэн аан бастакынан бу ааты Федор Кузьмич Попов ылбыта. Федор Попов Хотугулуу-арҕааҥҥы Украинаны өстөөхтөртөн босхолуур Киин фронт 61-с армиятыгар стрелогунан сулууспалаабыта. Федор Кузьмич алтынньы 1 күнүгэр 1943 с. Днепр өрүһү биир бастакынан харбаан туораабыта. Уонна сыгынньах илиитинэн немец өстөөхтөрүн кытта кыргыһыыга кыайан, Сэбиэскэй саллааттар сүрүн күүстэрэ Днепр өрүһү туоруулларыгар суолларын-иистэрин ыраастаан биэрбитэ. Сэбиэскэй Сойуус Геройа диэн үрдүк аат 1944 с. тохсунньу 15 күнүгэр иҥэриллибитэ.
Сэбиэскэй Сойуус Геройдара
Аҕа дойдуну көмүскээһин – ытык эбээһинэс. Ханнык баҕарар киһи төрөөбүт дойдутун туһугар тус эппиэтинэһи сүгэр. Хорсун буолуу үтүө санааттан тахсар. Герой буолан төрөөбөттөр. Хорсун буолууну, эр санааны, үтүө санааны киһи бэйэтигэр иитэн таһаарар. Аҕа дойдуну көмүскээһин – улахан, ыарахан үлэ. Биһиги ону өйдүү, ытыктыы улаатыахтаахпыт. Аҕа дойдуну көмүскүүр үтүө санаалаах хорсун дьоннорбутугар убаастабыллаахтык сыһыаннаһыахтаахпыт.
