«Аҕа дойду Геройдарын күнэ»
Ахсынньы 9 күнэ – Арассыыйаҕа Аҕа дойду Геройдарын күнэ. Аҕа дойду туһугар хорсун быһыы-майгы, туруулаһыы киһиэхэ оҕо сааһыттан, дьиэ кэргэниттэн, иитииттэн саҕаланар. Ол туһугар эппиэтинэс сүгүү дойдуга, чугас дьоҥҥо тапталтан, бэриниилээх буолууттан, үтүө санааттан тахсар.
Ахсынньы 9 күнэ – Арассыыйаҕа Аҕа дойду Геройдарын күнэ. Аҕа дойду туһугар хорсун быһыы-майгы, туруулаһыы киһиэхэ оҕо сааһыттан, дьиэ кэргэниттэн, иитииттэн саҕаланар. Ол туһугар эппиэтинэс сүгүү дойдуга, чугас дьоҥҥо тапталтан, бэриниилээх буолууттан, үтүө санааттан тахсар.
Геройдар оҥорбут үтүө дьыалаларын ханнык да кэмҥэ умнуо суохтаахпыт. Эһиил 2025 сылга Улуу Кыайыы 80 сылын бэлиэтиибит. 1941-1945 сс. Аҕа дойду Улуу сэриитин кэмигэр Саха сириттэн 24 киһи Сэбиэскэй Сойуус Геройын аатын ылбыта. Кинилэртэн аан бастакынан бу ааты Федор Кузьмич Попов ылбыта.
Кини Мэҥэ Хаҥалас улууһун II Баатара нэһилиэгэр 1921 сыллаахха ахсынньы 8 күнүгэр төрөөбүтэ. 1931 сыллаахха оскуолаҕа киирэр, пионер буолар. 1942 сыллаахха бэс ыйын 24 күнүгэр Аҕа дойду Улуу сэриитигэр ыҥырыллан барар. Кини Аҕа дойдутун өстөөхтөртөн быыһыыр күүстээх санааны ылынан, бэйэтэ тылланан, баҕа өттүнэн сэриигэ аттанар. Федор Попов Хотугулуу-арҕааҥҥы Украинаны өстөөхтөртөн босхолуур Киин фронт 61-с армиятыгар стрелогунан сулууспалаабыта. Сэбиэскэй Сойуус Геройа диэн үрдүк аат 1944 с. тохсунньу 15 күнүгэр иҥэриллибитэ.
Хорсун, үтүө санаалаах киһи Герой буолар. Хорсун быһыы ыксаллаах, куттал суоһаабыт кэмигэр көстөр. Норуокка, дойдуга оннук түгэн тирээн кэллэҕинэ, киһи дойдутун туһугар туруулаһар. Хорсун буолуу, күүстээх санаа киһиэхэ кыра сааһыттан үөскээн, бэйэтин кытта тэҥҥэ улаатар. Герой буолан төрөөбөттөр. Герой буоларга өй-санаа өттүнэн ситэн-хотон, иитиллэн тахсаллар.
Билигин буола турар анал байыаннай дьайыыларга саха уолаттара саа-саадах тутан Аҕа дойдуларын хорсуннук көмүскүү сылдьаллар. Анал байыаннай дьайыыларга кыттыыны ыла сылдьар элбэх ахсааннаах Саха сирин уолаттарыттан 9 уол “Арассыыйа Геройа” үрдүк аатын сүктүлэр. Таатта улууһуттан сылдьар Родимир Максимов-Бурхаат анал байыаннай дьайыыларга хорсун быһыытын иһин “Арассыйа Геройа” үрдүк аатын сүкпүтэ.
Дойдубут туһугар олохторун анаабыт дьоҥҥо махтаныахтаахпыт. Киһи күүстээх санаалаах, туохтан да толлубат, туох иһин туруулаһарын билэр буоллаҕына элбэҕи кыайар. Оннук санаа эйиэхэ оҕо сааскыттан тапталтан, дьиэ кэргэнҥҥиттэн саҕаланар.
« Саас » сыһыарыыны хачаайдаа
