« Аҕа дойдуну көмүскээччи сыла »
2025 сыл Арассыыйаҕа Аҕа дойдуну көмүскээччи, Саха өрөспүүбүлүкэтигэр Ийэ дойдуну көмүскээччилэрин сылларынан биллэриллибитэ. Ол, биллэн турар, Улуу Кыайыы 80 сылын кытта ыкса сибээстээх.
“ЛЮДИ легенды” хроника. Аҕа дойду Улуу сэриитин кэмигэр уһуллубут уот сэрии алдьархайын көрдөрөр. Саха өрөспүүбүлүкэтин норуоттарын аудиовизуальнай нэһилиэстибэлэрин национальнай кииниттэн ылыллыбыт матырыйаал.
Төрөөбүт дойдуга таптал, мин санаабар, ийэҥ үүтүн кытта тэҥҥэ иҥэр. Төрөөбүт дойдуга таптал тэлгэһэҕиттэн, дьиэҕиттэн саҕаланар. Эн эккэр-сииҥҥэр иҥэн сылдьар төрдүн-ууһун ситимэ, кинилэр историялара, норуот үтүө үгэстэрин, култууратын иҥэринэн илдьэ сылдьарын – бу барыта төрөөбүт дойдуга тапталы иҥэрэр. Олохпутугар куруук ыраас халлаан баар буолуон, сырдык күн чаҕылыччы тыгыан баҕарабыт. Онон 1941-1945 сс. Аҕа дойду Улуу сэриитин кэмигэр норуот сырдык санаатын көмүскүүр эр санааны ылыммыт дьоннор буолаллар биһиги эһэлэрбит, хос эһэлэрбит. кэргэн бырааһынньыга диэн мээнэҕэ эппэттэр.
Аҕа дойду Улуу сэриитин кэмигэр Сэбиэскэй сойуус Геройун аатын сэрии толоонугар хорсун быһыы иһин ылбыт дьон испииһэгэ 11 тыһ. тахса киһини хабар. Ол иһигэр Саха сирин чулуу уолаттарын ааттара эмиэ бааллар. Саха сириттэн 25 киһи Герой аатын ылбыта: Н.С. Степанов, И.Н. Симаков, В.В. Сапожников, Ф.К. Попов, Е.Д. Парахин, И.П. Папышев, А.А. Миронов, М.В. Лорин, В.Д. Лонгинов, Г.Д. Кузнецов, В.В. Павлов, М.М. Стрекаловскай, И.Г. Шаманов, Ф.М. Охлопков, Г.И. Шавкунов, Н.Н. Чусовской, М.П. Тепляков, В.Н. Стрельцов, К.К. Краснояров, М.М. Космачев, Н.А. Кондаков, В.А. Колбунов, С.В. Достовалов, М.С. Жадейкин, С.А. Асямов.
Билигин биһиги дойдубутугар уустук кэм сатыылан турар. Анал байыаннай дьайыыга уолаттарбыт кытта сылдьаллар. Хорсун быһыыны көрдөрбүт саха чулуу уолаттара Арассыыйа Геройа аатын сүктүлэр: Н. Соболев, Н. Евдокимов, Р. Максимов-Бурҕаат, Д. Куценко, А. Колесов, И. Юргин, А. Неустроев, Ф. Евсеев, Д. Егоров, А. Григорьев.
Дьарыкка туттуллар эбии матырыйааллар:
Улуу Кыайыы 80 сыла – сэбиэскэй норуот түмсүүтүнэн, күүстээх санаатынан ситиспит кыайыыта. Аҕа дойду Улуу сэриитин дуораана хас биирдии дьиэ кэргэҥҥэ баар. Аҕа дойдуну көмүскээһиҥҥэ хорсун санааны көрдөрбүт дьоммутун өйдүү-саныы сылдьабыт. Аҕа дойду Улуу сэриитин историятын билэр уонна үөрэтэр билиҥҥи кэмҥэ улахан суолталаах. Эр санаа, модун санаа, хорсун санаа тирэҕэ – үтүө санаа.
« Саас » сыһыарыыны хачаайдаа, К эскиллээх олоххо биһигинниин бэлэм буол!
