Мысалы: Ұлжан енесіне бағана, Абай ұйықтап жатқанда, бар жайды айтқан (М. Әуезов).
Біз - Мұстафаның екі кіші баласы Ғаббас пен Шәкен, мен үшеуміз - үйден шықтық. (С. Мұқанов).
Оңашаланған айқындауыш мүше болатындар:
Ө зінен бұрыңғы сөздің мәнін айқындап, дәлдеп беретін және сонымен септік жалғаулары жағынан тұлғалас келетін бір сөз не сөз тіркесі: Осы үйдің ер жетіп қалған екі баласын, Нұрлан мен Нұржанды, жұрт көп мақтайды.
Ә) Яғни, әсіресе, мысалы, яки, немесе, болмаса, басқаша айтқанда, көбінесе, оның ішінде, тіпті деген сөздермеен басталатын тіркестер өзінің алдындағы сөздің мағынасын дәлдеп тұрса; Ылғалды жерлерде, көбінесе өзен бойларында, шөп қалың өседі.
Мысалы деген сөз оңашаланған мүшенің құрамында болмай, жеке қыстырма сөз ретінде келсе, үтірмен жалғыз өзі ғана бөлінеді: Мысалы, таза мыс электр тогын жақсы өткізеді.
Әсіресе, көбіне, тіпті, оның ішінде деген сөздер оңашаланған мүше болатын сөз тіркесіне емес, жалпы сөйлемге қатысты болуы мүмкін. Ондайда бұл сөздер ешқандай тыныс белгісімен бөлінбейді : Алматылықтар жазда көбінесе тауға шығады.
Айтып тұрған мына мен, Бақбергенмін. (М.Әуезов)
Жалпы мезгілді, мекенді білдіретін пысықтауыштардан кейін, сол мезгілдің дәл қай кезі, сол мекеннің дәл қай жер екенін ашып көрсететін анықтауыштар оңашаланады: Түнде, сағат 12-де, поезд келді.
Сияқты, ретінде, қатар, емес (емей), түгіл деген сөздермен келгенде және –дай, -дей,- тай, -тей жұрнақты сөздермен келген тіркестер де, оңашаланған мүше сияқты, сөйлем ішінде үтірмен бөлінеді: Жамбыл 70-80 жылдарда, ұсақ өлеңдермен қатар, көлемді жырлар да шығара бастады.
Қарамастан, қоспағанда, есептемегенде деген сөздерге аяқталатын тіркестер де үтірмен бөлінеді: Жорыққа аттанған шаңғышылардың саны, кешігіп қалған екеуді қоспағанда, он алты.
Оңашаланған мүше инверсияланып (әдеттегі орын ауысып) келуі мүмкін, ол күнде де сөйлем ішінде үтірмен ажыратылады: Мұқанның баласы ғой, менің былтыр өлген ағамның. Мұқанның, менің былтыр өлген ағамның, баласы ғой.
Пысықтау сұрақтары:
Кім жүйрік? 1 2 3 4
Сөйлемнің тыныс белгілерін қой. Абай былтыр боқырауда күзем үстінде қалаға оқуға кеткенде дәл осы қоныстан Есенбайдан кеткен болатын.
Абай былтыр боқырауда, күзем үстінде, қалаға оқуға кеткенде, дәл осы қоныстан, Есенбайдан, кеткен болатын.
Кім жүйрік? 1 2 3 4
Мына сөйлемнің ішіне үтір қойылмайды. Келісесіз бе? Олардың ішінде үй іштерімен шығатындар да көп.
Кім жүйрік? 1 2 3 4
Тыныс белгісін қой. Олар жас жігіттер мен жас қыздар қиын жұмыстардан бас тартпады.
Олар, жас жігіттер мен жас қыздар, қиын жұмыстардан бас тартпады.
Сөйлемнің ішінен айқындауыш мүшені анықта, тыныс белігісін қой: Тобықты ішіне ең алғаш келген арба осы Зеренің Құнанбайдың кәрі шешесінің көк арбасы десе де болады.
Тобықты ішіне ең алғаш келген арба осы Зеренің, Құнанбайдың кәрі шешесінің, көк арбасы десе де болады.
