7 сынып
ХІІІ ХҮ ғғ Шығыс Дешті Қыпшақта өмір сүрген мемелекет Ақ Орда. Мемлекет Орда Ежен мен Шайбан хандардың жерін қамтыды. Мемлекет 240 жыл өмір сүрді. Орталығы Сығанақ қаласы. Территориясы: Жайық өзенінен Батыс Сібір ойпатына дейінгі, Сырдарияның орта және төменгі ағысы аралығындағы жерді қамтыды. Ақ Орда жергілікті түрік тілдес ру тайпалардан құрылған патриархалдық феодалдық мемлекет болды. Қазақ халқының қалыптасып, мемлекетінің құрылуында Ақ Орда зор тарихи рөл атқарды.
ХІҮ ғ ІІ жартысынан бастап Ақ Орда Алтын Ордадан біржола бөліне бастады. Ерзен мен Мүбәрак хандардың тұсында, әсіресе Ұрыс хан кезінде Алтын Ордадан мүлде оқшауланды. 1327-1328 жж Мүбәрак хан Сығанақ қаласында өз атынан теңге соқтырды. ХІҮ ғ ІІ жартысынан бастап Өзбек ханның баласы Жәнібектен кейін Алтын Ордада аласапыран төңкеріс басталды. 60 жж өзінде бір жылда төрт хан ауысты. Осыны пайдаланған Ұрыс хан билікті қолына алып, мемлекеттің саяси жағдайын нығайтты. 1368-1369 жж Ұрыс хан Сығанақ қаласында теңге соқтырды.
1374- 1375 жж Ұрыс хан Еділ бойына жорық жасап, Сарайды, Қажы Тарханды, алып, Кама бұлғарларын бағындырды. Бірақ Орта Азияда Әмір Темірдің күшеюінен сескенген Ұрыс хан Сырдария бойындағы өз иелігіне оралады. Жол бойында өзіне көмектесуден бас тартқан Түй Қожаны жазалайды. Түй Қожаның баласы Тоқтамыс Әмір Темірге қашып барады. Әмір Темір Тоқтамысты пайдаланып, Алтын Орда мен Ақ Орданы басып алуға тырысады. Тоқтамыстың Ақ Ордаға жасаған бірнеше жорығы нәтижесіз болды. Тоқтақия қайтыс болған соң Әмір Темір Тоқтамысты Ақ Орда тағына отырғызады. Бірақ Тоқтамыс Темір Мәліктен Сауран түбінде жеңіледі. 1379 жылы Тоқтамыс Темір Мәлікті жеңіп,Сығанақты біржола қолына алады.
Осы кезден бастап Тоқтамыс Әмір Темірге тәуелді болғысы келмей оған қарсы әрекет жасай бастады. 1380 жылы Тоқтамыс Алтын Орданы басып алды. 1395 жылы Әмір Темір Тоқтамыстың орнына Ұрыс ханның баласы Қойршақ оғланды хан етіп қояды. Ақ орданың соңғы ханы Барақ Сырдария бойындағы қалаларды қалаларды қайтару үшін күрес жүргізді. Ұлықбекті жеңіп, көптеген қалаларды өзіне қайтарды. 1428 жылы Шығыс Дешті Қыпшақтағы билік Әбілқайыр ханға тиеді. Сығанақ қаласы диқаншылық пен жартылай көшпелі мал шаруашылығына қолайлы болды.
Ерзен ханның кезінде Ақ Орданың қалалық мәдениеті дами түсті. Хан Отырар, Сауран, Жент, Баршынкент қалаларында мешіт, медреселер салдырып, Сығанақ қаласын Орта Азия мен Шығыс Дешті Қыпшақтың арасындағы басты сауда орталығына айналдырды.
