Кеңістіктегі геометриялық фигуралар жазықтық бетіндегі проекциясы жеке жағдайға түрленетін болса, онда есеп шешімі оңай және жеңіл болады. Сондықтан жалпы жағдайда орналасқан есептерді жеке жағдайға келтіріп шешу әдісін сызбаны түр-лендіру тәсілдері дейді. Түрлендіру тәсілдерінің негізгі міндеті жалпы жағдайда кескінделген геометриялық фигураларды жеке жағдайға түрлен-діру. Осы түрлендіру тәсілдерін пайдалана отырып, сызба геометрия курсындағы көптеген қиын да күрделі позициялық ( тұрғылықты ) және ме-трикалық ( өлшем ) есептерді шешу жолдарын жеңілдетеді. Түрлендіру тәсілдерінің ішінде көп тараған түрлері проекция жазықтығын бір немесе бірнеше жазық-тықпен алмастыру және айналдыру (деңгей сызығы мен беттестіру) тәсілдері болып табылады.
Егер бірінші проекция жазықтығын проекция жазықтықтарының біреуіне параллель етіп алсақ, онда екінші проекция жазықтығын сол проекция жазықтығына перпендикуляр етіп орналастырамыз. Осы тәсілді пайдаланып, түзудің және жазықтықтың нақты шамасын, түзу мен жазықтықтың немесе екі жазықтықтың бұрыштық шамасын, нүкте мен жазықтықтың ара қашықтығын және тағы басқа сол сияқты есептерді шешуге болады.
Метрикалық есептің келесі түрі нүкте мен жазықтықтың ара қашақтығын анықтау есебі. Бұл есебті шешу үшін түрлендіру тәсілінің бір жаңа проекция жазықтығымен алмастыру тәсілін пайдаланамыз.
Жазықтықты алмастыру тәсілін пайдаланып, кеңістікте орналасқан екі жазықтықтың арасындағы бұрыштық шаманы анықтауды қарастырайық. Бұл есептер күрделі есептер қатарына жататын болғандықтан, көлденең П 1 проекция жазықтығын екі жаңа проекция жазықты-ғымен алмастырамыз.
Проекция жазықтығын алмастыру тәсілін пайдалана отырып, екі айқасып жатқан түзулердің ең жақын ара қашықтығын анықтауды қарастырайық. Мұндай есептер күрделі есептер қатарына жатады. Сондықтан көлденең П 1 және қарсыалды П 2, каптал П 3 проекция жазықтарын екі жаңа проекция жазықтығымен алмастырамыз.
Сызбаны түрлендіру тәсілдерінің көп тараған бір түрі геометриялық фигуралардың кескіндерін айналдырып, есептің шешуін табу болып табылады. Есептің шешуін жеңілдету үшін, айналдыру тәсілінде айналдыру осьтерін проекция жазықтығына перпендикуляр немесе параллель етіп алады. Айналдыру тәсілі айналу осьтеріне байланысты бірнеше түрге бөлінеді.
Сызбаны айналдыру тәсілінің деңгей түзуінің бойында айналдыру тәсілін пайдалана отырып, кеңістікте орналасқан жалпы жағдайдағы жазықтықтың нақты шамасын анықтау есебіне мысал қарастырамыз
Түрлендіру тәсілдерінің беттестіру тәсілін пайдалана отырып, кеңістікте жалпы жағдайда орналасқан жазықтықтың және түзу сызықтың нақты шамасын анықтау есептерін шығарған қолайлы. Беттестіру тәсілінің маңызы, кеңістікте жалпы жағдайда орналасқан үшбұрышы арқылы берілген жазықтық кескінінің П 1 проекция жазықтығындағы ізін анықтап, осы жазықтық ізі арқылы жазықтықты айналдырып П 1 проекция жазықтығымен беттестіру болады.
