Устудьуоннуур кэм киһи олоҕор улахан суолталаах. Устудьуоннар дойду, үөрэхтээһин, култуура, спорт, наука сайдарыгар сүдү өҥөлөөхтөр. Киһи устудьуоннуу бардаҕына сайдар, уопсастыбаҕа сылдьарга, дьону кытта алтыһарга, улахан олоххо бэлэмнээх буоларга үөрэнэр.
1755 с. тохсунньу 25 күнүгэр ыраахтааҕы Елизавета Москватааҕы судаарыстыбыннай университет (МГУ) тэриллэрин туһунан ыйаах таһаарар. Ону таһынан, бу күн православнай итэҕэл сибэтиэй Татьянаны ахтан-санаан ааһар күнэ. 1855 с. Москватааҕы судаарыстыбаннай университет 100 сыллаах үбүлүөйүн кэннэ, тохсунньу 25 күнүн, сибэтиэй Татьяна күнүгэр, сылын аайы выпускниктар көрсөр үгэстэрэ олохтоммута. Оттон XIX үйэ бүтүүтэ ыраахтааҕы Николай I укаһынан тохсунньу 25 күнүн Арассыыйа үрдүнэн устудьуоннар күннэринэн ылыныллыбыта. Елизавета Петровна ыраахтааҕы Николай I ыраахтааҕы
Эһиги дьиэ кэргэҥҥитигэр кимнээх устудьуоннаабыттарай, ким устудьуоннуу сылдьарый? Кинилэр хас сыллаахха, ханнык куоракка, ханнык үөрэх кыһатыгар, ханнык идэҕэ үөрэммиттэрэй? Макеты толоруҥ
Устудьуоннар олоххо олус көхтөөхтөр. Устудьуоннар науканан, спордунан дьарыктаналлар, кырдьаҕастарга, анал байыаннай дьайыы кыттыылаахтарыгар, кинилэр дьиэ кэргэттэригэр, тутууга, өрөмүөн үлэтигэр көмөлөһөллөр. Устудьуон үөрэҕин кытта тэҥҥэ научнай куруһуоктарга дьарыктанар, олимпиадаларга, конференцияларга кыттар.
Хас биирдии оҕо оскуолатын бүтэрэн баран устудьуон буолар кыахтаах. Ону тэҥҥэ устудьуоннар хамсаныыларыгар көхтөөхтүк кыттан элбэх туһаны аҕалыан сөп. Үөрэҕин бүтэрэн баран идэни баһылаан дойдутун сайдыытыгар улахан кылааты киллэрэр киһи буоларга дьулуһуохтаах.
