Мақсаты: Бала тәрбиесіндегі ата-ананың алатын орнының ерекше екендігін түсіндіру. Жанұядағы ата-ана және бала арасындағы қарым-қатынасты нығайту. Мектеп, ұстаз, ата-ана бірлігін нығайту. Отбасы мүшелері арасындағы бауырмалдық, қайырымдылық, достық қарым-қатынасты қалыптастыру жолдары туралы айту, адамгершілік, имандылық қасиеттерінің жоғары болуына тәрбиелеу. Көрнекілігі: қанатты сөздер «Ұлы бар үйде қуат бар,қызы бар үйде шуақ бар», «Ұлттық тәрбие негізі –адамгершілік,еңбек тәрбиесі», «Баланың білегі ауырса ананың жүрегі ауырады», «Перзент көздің нұры,жүректің жыры», карточкалар. «Бала тәрбиесі» видиоролик, «Оқушы пікірі» видиоролик,оқушылардың қолөнер бұйымдары, «Ата-ана дауысы» газеттері, оқушылар жетістіктері. Түрі: семинар
Мейірімді жүрекпен, Ақпейілді тілекпен, Амандасып алайық, Бір жадырап қалайық! ШАТТЫҚ ШЕҢБЕРІ
«Адамның жақсы болуы тегінде емес, тәрбиесінде, ақылында, өнер, білімінде. Адамға үш алуан адамнан мінез жұғады: ата-анадан, ұстазынан, құрбысынан. Әсіресе олардың қайсысын жақсы көрсе, содан көп жұғады», — деп, осы үшеуінен баланың болашағы шешілетінін ескерткен. Абай Құнанбаев
«Бала тәрбиесі-бір өнер, өнер болғанда ауыр өнер, жеке бір ғылым иесі болуды тілейтін өнер. Баланы дұрыс тәрбиелеу үшін әркімнің өз тәжірибесі жетпейді. Басқа адамдардың тәжірибесімен танысу керек»,- деген қазақтың ұлы ағартушысы Мағжан Жұмабаев
« Ата-аналар өз балаларын өмірге даярлауға ерекше көңіл бөлулері тиіс.Олар қазіргі балалар елдің болашағын анықтайтын XXІ ғасырдың ересек адамдары екенін түсінуі қажет». Н.Ә Назарбаев
1. «Жүрек жылуы балаға» топтастыру 2. «Бала тәрбиесі» (Бейне ролик қарау, ой түю) 4. «Ұшқыр ой, ұтымды жауап» Ата- аналарға сұрақ 3.Ата-ана мен бала арасындағы қарым-қатынас қаншалықты сапалы.(Сауалнама) 5. Балалардың ой - пікірлері 6.Сергіту сәті 7.Жадынама
Халықта «Ағаш түзу өсу үшін оған көшет кезінде көмектесуге болады, ал үлкен ағаш болғанда оны түзете алмайсың» деп бекер айтылмаған. Сондықтан баланың бойына ізгілік, мейірімділік, қайырымдылық, яғни адамгершілік құнды қасиеттерді сіңіріп, өз-өзіне сенімділікті тәрбиелеуде отбасы шешуші роль атқарады.
Ата-ана мен бала арасындағы қарым-қатынастың қаншалықты сапалы екенін байқап көрелік. 1. Бұл баланың өмірге келуі сізді қандай күйге бөледі? Бұл баланы қаладыңыз ба? 2. Оған күн сайын мейірімді сөздер айтып, әзілдесіп, бетінен сүйесіз бе? 3. Кешкілікте онымен бүгінгі күн туралы сырласасыз ба? 4. Аптасына бір рет онымен бос уақытыңызды қиып, қыдырасыз ба? (мысалы: кино, концерт, туыстарға қонаққа бару). 5. Сіз онымен отбасының проблемалары, жағдаяттар, жоспарлар жөнінде пікірлесесіз бе? 6. Сіз онымен жаңа мода, киім талғамы туралы сырласасыз ба? 7. Оның достарымен таныссыз ба? (олар немен айналысады, қайда тұрады?) 8. Бос уақытында кімдермен жүретінін, немен айналысатынын білесіз бе? 9. Өзгеге деген сезімі, сүйіспеншілігі туралы не білесіз? 10. Оның жек көретін адамдары, дұшпаны бар деп ойлайсыз ба? 11. Мектептегі оқуда ең сүйікті пәнін білесіз бе? 12. Ең сүйікті ұстазы кім? 13. Мектепте ұнатпайтын мұғалімі бар ма? Ол кім? 14. Екеуара әңгімені бірінші кім бастайды? Ал келісімге келуге кім бірінші қадам жасайды? 15. Сіз өз балаңызды орынсыз кіналап, жекіріп, арына тиетін сөздерді айтпайсыз ба?
Егер барлық сұраққа «иә» деп жауап берсеңіз, онда сіз ата-аналық дұрыс жолдасыз. Бұл жағдайды өз бақылауыңызда ұстап, балаңызға қиын сәтте көмекке келе аласыз. Ал егер көпшілік жауабыңыз «жоқ» болса, онда күрт өзгеруге тура келеді, жамандықтың алдын алу үшін баланың жан дүниесіне үңіліңіз.
Ұшқыр ой, ұтымды жауап Ата - аналарға сұрақ : 1. Абай атамыз былай деген екен: «Балаға көбінесе үш алуан адамнан мінез жұғады. Біріншісі ата - анасынан, екіншісі ұстазынан, үшіншісі құрбысынан». Ұлыңыздың, қызыңыздың достары және ұстазы жөнінде не білесіз? Олардың жақсы қасиеттерін және қызығушылығын атаңыз? 2. «Балаңа көңілің толмаса, кемшілікті өз басыңнан іздей бер» деген сөздің мағынасын қалай түсінесіз? 3. «Үстемдік бар жерде еркіндік пен даму жоқ» - Бала тәрбиесінде қандай қағидаларды ұстанасыз? 4. «Жөн сөз – көңілді өсіреді, жөнсіз сөз – үмітіңді өшіреді» - демекші, отбасында әкенің «батырым», шешенің «құлыным» деген сөзін естіген балада жақсы сезім туып дамиды. Сіздің отбасында ұл - қыздарыңызға қолданатын жылы сөздеріңіз қандай? 5.Сіз балаңыздың болашағын қалай елестетесіз?
«Күн шуағы» тобы
Ата-ананың жауабы
Бүгінгі семинарға қатысқандарыңызға рахмет!
