Ә дебиеттік оқу 3-сынып №2 сабақ Бөлімі: Жанды табиғат Тақырыбы: Ілияс Жансүгіров « Күн шыққанда»
Сабақ мақсаты: Сен: Шығарманың тақырыбын және бөліктерін таба аласың. Ақынның айтқысы келген негізгі ойды анықтайсың. Өлеңдегі маңызды жолдарды тауып жазасың.
Автормен танысу айдары. Ілияс Жансүгіров (5 мамыр 1894 жыл, Алматы облысы Ақсу ауданы ) — ақын,қоғам қайраткері. А лғашында өз әкесінен, ауыл молдаларынан сауат ашқан. Қарағаш ауылында бастауыш мектепті бітіреді.1919 жылы Ташкенттегі екі жылдық мұғалімдік курсқа түседі.Оны бітірген соң өз ауылында мұғалім болып, кейін «Тілші» газетінде қызмет атқарады.1922 жылыВерныйдағы (Алматыдағы) Қазақ ағарту институтының меңгерушілігіне тағайындалады.1925 жылы Мәскеудегі Журналистика институтына оқуға түсіп;1928 жылы бітіріп шыққан соң, «Еңбекші қазақ» газетіне қызметке жіберіледі. І.Жансүгіров шығармашылық жұмыспен қатар Қазақстан Жазушылар одағын ұйымдастыру ісіне де белсене қатысқан. 1937 жылы жалған саяси айыппен тұтқындалады.1938 жылы ату жазасына кесілген.
«Елестету» әдісі – Күн не үшін қажет? – Күннің пайдасы мен зияны қандай ? Күн сәулесі бактерияларды құртады. Дегенмен, шамадан тыс болса, ағзаға кері әсер етеді. Күн сәулесі жер бетіне жеткенде, үшке бөлінеді: жылылық сәулесі, көзге көрінетін ақ сәуле және көзге көрінбейтін ультракүлгін сәуле. Бұлардың пайыздық қатынасы жыл мезгіліне, тәулік уақытына, географиялық орнына қарай өзгеріп отырады.
Күн шыққанда Шырт ұйқыда жатқанда, Шырылдайды торғайым. Ұйқыны ашты, оятты. Мал масайрап өрісте, Құрт-құмырсқа бәрі істе, Тұр, көкешім, күн шықты. Қалыпсың ұйықтап, қарағым, Қалады-ау сенің сабағың, Жуын, жүгір мектепке. Ашасың көзді сабақтан, Аласың білім кітаптан, Боласың адам мектепте. Суретпен жұмыс. – Балалар, сурет бойынша айтылған ойымыздың өлеңмен байланысы бар-жоғын білетін боламыз. Ол үшін өлеңді тыңдаймыз.
1-тапсырма: Күн шыққанда қандай іс-әрекеттер орындалады? Қане,ойланып көрейікші. Тіршілік атауы ұйқысынан оянады, мал өріске шығады,балалар мектепке барады,көшеде көлік қозғалысы басталады. Дескриптор : Күн шыққанда қандай іс-әрекет болатынын біледі.
Ой қозғау: Өлеңнен қорытынды ой айтылған жолды тауып көрейік. Қалыпсың ұйықтап, қарағым, Қалады-ау сенің сабағың, Жуын, жүгір мектепке. Ашасың көзді сабақтан, Аласың білім кітаптан, Боласың адам мектепте. Тауып дәптерімізге жазып қоямыз. Ашасың көзді сабақтан, Аласың білім кітаптан, Боласың адам мектепте.
БЕКІТУ 1-тапсырма. Мәтінге сай келетін тақырыпты белгіле «» А. Ұйқыдан ояну, тұру В. Таңғы тіршілік С. Білім алып, адам болу Д. Ұйықтап қалып, кешігу Е. Мектепке жүгіріп бару 2-тапсырма. Мәтіндегі негізгі тірек сөздерді белгіле «». А. шырт, торғай, сәуле, өріс, білім, оқу В. күн, ұйқы, сабақ, мектеп, білім, кітап С. кітап, оқу, шырылдау, құрт-құмырсқа Д. мектеп, сабақ, білім, бол, тұр, сен, мал, оқу
3-тапсырма. Оқу, білімге қатысты сөздердің астын сызып шық. Күн шыққанда Қалыпсың ұйықтап, қарағым, Қалады-ау сенің сабағың, Жуын, жүгір мектепке. Ашасың көзді сабақтан, Аласың білім кітаптан, Боласың адам мектепте. Дескриптор Өлеңдегі маңызды жолдарды тауып, жазады.
Жеке тапсырма Өлеңнің алғашқы екі шумағын дауыстап оқып өлең жолдары бойынша қандай сурет салуға болатынын отбасыңмен ойластырып көр.Өлеңді жаттап ал.
Бүгінгі сабақ саған түсінікті болды ма? Бағдаршам әдісі арқылы өзіңді бағалап қой.
