Tabiat bilan tanishtirish orqali maktabgacha yoshdagi bolalarda ekologik madaniyatni rivojlantirish va ekologik tarbiyalashda bolalarning psixik xususiyatlarini rivojlantirish. Reja : 1. Ekologiya haqida umumiy tushuncha. 2. Ekologik ta`lim - tarbiyaning mohiyati. 3. Ekologik tarbiyaning maqsadi va vazifalari. 4. Ekologik ta'lim-tarbiyaning yo’nalishlari. 5.Ekologik ta'lim-tarbiyani o'quv muaassalarida olib borish.
Bugungi kunda ekologiya fani tushunchasi har bir kishining ongiga singib bormoqda. Deyarli har kuni gazeta sahifalarida, radio va oynai-jahon ko’rsatuvlarida hozirgi sharoitdagi ekologik muammolar hamda ularni hal etish borasida olib borilayotgan sa'yi-harakatlar haqida ma'lumotlar beriladi.
Ekologiya tushunchasi yunoncha so'z bo'Iib, « eko » — uy, makon va «logos» — fan degan ma'noni bildiradi. Ekologiya mustaqil fan hisoblanadi.
Populyatsiyalar, turlar, biotsenozlar, biogeotsenozlar va biosfera kabi darajalar ekologiya fanining manbai hisoblanadi. Shuning uchun umumiy ekologiya to'rt bo'limga bo'Iib o'rganiladi : Autekologiya, Populyatsiyalar ekologiyasi, Sinekologiya, B iosfera.
Populyatsiyalar ekologiyasi (« papulatio » — fransuzcha so'z bo'Iib, « aholi » degan ma'noni bildiradi ) populyatsiyalar tuzilmasi va dinamikasini, ma'lum sharoitda turli organizmlar sonining o'zgarish ( biomassa dinamikasi ) sabablarini tekshiradi.
Autoekologiya («autos» — yunoncha so'z bo'Iib, « o'zi » degan ma'noni bildiradi ) ayrim turlarning ular yashab turgan muhit bilan o'zaro munosabatini, ularning qanday muhitga ko'proq va uzviy moslashganligini o'rganadi.
Sinekologiya («sin» — yunoncha so'z bo'Iib, uning ma'nosi « birlikda » demakdir ) biogeotsenozlarning tuzilishi va xossalarini, ayrim o'simlik va hayvon turlarini o'zaro aloqasini hamda ularni tashqi muhit bilan munosabatini o'rganadi. Ekotizimlarning tadqiq qilishning rivojlanishi biosfera haqidagi ta'limotni vujudga keltiradi.
Bugungi kunga kelib ekologiya fani aniq biologik fanlar tizimidan chiqib, f anga « inson ekologiyasi » degan atama ham qo`shildi. Insonning tashqi muhitga munosabati boshqa tirik organizmlardan tubdan farq qiladi. 1921- yilda Amerikalik olimlar Bortes va Park tomonidan « Inson ekologiyasi » degan yangi fan kiritildi.
Inson ekologiyasi insonning atrof-muhitga va aksincha, atrof-muhitning insonga ta'sirini o'rganadi. Inson ekologiyasini o'rganish natijasida ijtimoiy ekologiya vujudga keladi. Unga birinchi bo'Iib Raderik Mak Kenzil ta'rif bergan.
2. Ekologik ta'lim-tarbiyannig mohiyati. O'zbekiston Respublikasi rahbariyati tomonidan chiqarilgan ko'p qarorlarda tabiat muhofazasiga oid ishlarni kengaytirish va takomillashtirish hamda bu soha bo'yicha mutaxassislarni fan- texnika taraqqiyoti talabiga javob beradigan darajada tayyorlash ko'zda tutiladi.
Bu muammolarning hal bo'lishi mamlakatimiz ijtimoiy-iqtisodiy rivojlanishi yangi bosqichga ko'tarishda koinotning bir qismi bo'lmish ona tabiatimizni saqlash, uning tabiiy boyliklaridan rejali va tejamkorlik bilan foydalanish, tirik jonzotlar, inson uchun toza havo, suv, tuproq, o'simlik va hayvonlarning yashash muhitini saqlashdan iborat.
Xalq xo'jaligining turli sohalari bo'yicha oliy ma'lumotli va tajribali ekolog-agroximik, ekolog-entomolog, ekolog-agrobiologlar kerak bo'lib, atrof - muhit muhofazasiga oid ekologik ta'lim-tarbiya oila, bog'chalar, maktablar, oliy o'quv yurtlari, turli korxonlar, tashkilotlarda uzluksiz olib borilishi kerak.
Ekologik ta'lim-tarbiyaning nazariy asosi – atrof muhit muhofazasiga oid ta'limni bog'cha, maktab, katta-kichik o'quv yurtlari, oliy o'quv yurtlarida ma'lum o'quv reja va dasturlari asosida olib borish hamda malakali mutaxassislar tayyorlashdan iborat.
3. Ekologik tarbiyaning maqsadi va vazifalari. Ekologik ta'lim-tarbiyaning asosiy vazifa va maqsadlari insonni tabiat bilan va unda sodir bo'layotgan voqeliklar bilan qiziqtirish, inson va tabiat o'rtasidagi muammolarning kelib chiqish sabablarini aniqlash, yechim yo'llarini topish hamda yetarli ekologik bilimlarga ega bo'lgan holda atrof muhit muhofazasini amalga oshirishdir.
